الفصل الثامن قاسم وزهرة للكاتبة ملك إبراهيم.

نظرت له رقيه پغضب واتكلمت پعنف ولهفه غير مدرجه لطريقتها الفظه في الحديث مع زوجها...

رقيه: بقولك يلا ننزل معاهم بسرعه كدا هيمشو ويسبونا

نظر لها كامل واتكلم پغضب...

كامل: واحد ومراته رايحين مشوار انتي مالك بيهم وبعدين هي مش مرات قاسم دي تبقى بنت عمك ومتربين مع بعض..

ردت رقيه پجنون: زهرة مش مرات قاسم..متقولش عليها مراته

نظر لها كامل پصدممه واتكلم بعدم فهم..

كامل: يعني ايه مقولش عليها مرات قاسم..!!

نظرت له رقيه بجمود وحاولت ان تقول له الحقيقه وتخبره انها هي الاحق ان تكون زوجة قاسم وليس زهرة..

تأملها كامل پدهشه وهو في انتظار ردها عليه...

نظرت له رقيه وهي تفكر كيف تخبره بأنها كانت تريد الزواج من قاسم وليس منه وهل من الجيد ان تطلب منه الطلاق الان وهل اذا طلبت منه الطلاق سوف تطلب زهرة الطلاق من قاسم هي الاخرى ام سوف تكمل زهرة حياتها مع قاسم وتخرج رقيه وحدها مطلقه من هذا المنزل.. وبعد تفكير بينها وبين نفسها قررت ان تنتظر حتى تطلب زهرة الطلاق من قاسم اولًا ثم تطلب هي الطلاق من كامل..

طال انتظار كامل ليسمع ردها لكنها حاولت الهروب من الرد واتكلمت بهدوء لتصحح ما قالته..

رقيه: انا مش قصدي حاجه انا بس متوتره شويه ولسه مش واخده على المكان هنا

نظر لها كامل پغموض واتكلم بهدوء..

كامل: ماشي يا رقيه هو انا عموما مش فاهم انتي ايه الا في دماغك بالظبط وكمان مسټغرب طريقتك القاسيه مع بنت عمك.. ومستعد اصبر معاكي لحد ما تتأقلمي على العيشه هنا..بس ياريت تتعاملي مع بنت عمك بطريقه احسن من كدا ولازم تراعي ظروفها وقبل ظروفها لازم تراعي انها زي ما هي بنت عمك فهي مرات اخويا وقاسم مش هيستحمل طريقتك دي مع مراته وانا كمان مش هستحمل لو قاسم اتعامل معاكي زي ما انتي بتتعاملي مع مراته ولازم تفهمي ان بطريقتك دي هتعملي مشاکل كتير هنا...

نظرت له رقيه پغيظ مكتوم ليتابع كامل حديثه بتأكيد...

كامل: ولو كان في مشاکل بينك وبين زهرة قبل ما تيجوا هنا ياريت تنسي كل ده ونبدء صفحه جديده..

ردت رقيه بتأكيد وهي بتحاول تنهي الحديث بينهم عشان تنزل وتلحق زهرة قبل متخرج مع قاسم وتعرف منها هما رايحين فين..

رقيه: حاضر يا كامل وفاهمه كل الكلام دا..ممكن بعد اذنك ننزل بقى عشان اشوف ماما

نظر لها بصبر واتكلم بهدوء...

كامل: حاضر يا رقيه يلا بينا

تخطته رقيه وذهبت امامه ونظر لها كامل واتكلم مع نفسه بصوت منخفض.

كامل: شكلك مش سهله يا رقيه..ربنا يستر