رواية أنا وحماتى

حماتى جرى وراكى دا انتى اللى وقعتيه وفردتى شباكك عليه

بصتله وقولتله مش هتوقف المهزله دى وترد على امك انتى موافق تجوز نور وبسرعه ترد

لأ طبعا انا مش هتجوز نور

بصيت لحماتى وبعدين نور وقولتلها اخدتى الرد ياريت ما اشوفش وشك هنا تانى

حماتى انتى اجننتى انتى بتطردى بنت اختى من بيتى البيت ده كله ملكى انتى ماتحكميش على اى حاجه فيه

تمام بس كده لا انا ولا احمد هندخل عندك بعد كده

انتى كمان عايزه تحرمينى من ابنى

انتى اللى بتحرمى نفسك المفروض أن ابنك اهم من بنت اختك وانا من حقى انى تحمى جوزى وبيتى

بيتك انتى مالكيش حاجه هنا حتى الشقه اللى انتى بتبرطعى فيها دى ماتحكميش عليها

بصيت لاحمد وانا مش هقعد فالشقه دى من النهارده وانت لما تقدر تجيلى شقه امك ماتتحكمش فيها ابقى ارجع

لقيت احمد صرخ خلاص كل واحده قالت اللى عندها ماما انا مش هجوز تانى ومسكنى من ايدى وزعق يالا اطلعى وطلعنا فوق قعدنا ولقيت احمد ماسك دماغه

سبته ودخلت اوضتى الم هدومى لقيته ورايا انتى بتعملى ايه قولتله ما انا قولتلك

انا فاكر أن ده كلام رد على كلام ماما

لا انا مش هقدر هنا خصوصا أن اتاكدت أن امك بتكرهنى وانا مابحبش اعيش فالجو اللى كله مشاكل

حض-نى ولقيت دموعه نازله ماتسبنيش انا ما اقدرش اعيش من غيرك شويه والدنيا هتهدى وبعد كلام كتير وتوسلات منه قعدت على اساس لو حصل حاجه تانى هنمشى من هنا بس

 بشرط ماتدخلش عند امك لما تكون البنت دى عندها

وعدى اكتر من شهر والدنيا هاديه وانا بطلت انزل عند حماتى وفيوم حسيت باعراض غريبه جبت اختبار تحليل الحمل وطلعت حامل كنت فرحانه اوى مردتش اتصل لاحمد وقلت لما يجى هعملهاله مفاجاه

قعدت استنى كتير اتصلت عليه ماردش بعد شويه اتصلت تانى لقيت التليفون مغلق

بعد شويه لقيت التليفون بيرن جريت وانا فرحانه على انه احمد هو اللى على التليفون

لقيت واحده بتقولى الف مبروك جوزك فرحه النهارده والفرح فى فندق اللى جمب شغله روحى واتاكدى بنفسك

ما اعرفش انا قعدت مده اد ايه على ما استوعبت اللى انا سمعته حولت اتصل بيه تانى برده تليفونه مغلق

لبست ورحت على العنوان ودخلت لقيت فى فرح فعلا قربت من العريس والعروسه عشان اتاكد

لقيت جوزى هو العريس ونور هى العروسه اول ما قربت لقيته وقف ويقولى مريم اهدى وهفهمك

فكرت بسرعه غريبه وقلت بالتاكيد اللى بلغتنى مامته عشان اجى واشوف انتصارها عليه بصيت للعروسه وقولتلها والله فيكى الخير بقى انتى تعزمينى على الفرح وجوزى لا

احمد بص لنور وهى مزهوله من كلامى

لقيت احمد بيقولها بقى انا بعمل فيكى معروف تقومى انتى عايزه تخربى بيتى

بيتك اتخرب خلاص خلص زفتك يا عريس وابعتلى ورقه طلاقى وسبته ومشيت

جرى ورايا وامه جريت وراه عشان مايمشيش عشان بنت اخوها ما تتفض-حش نور كمان جت بتقوله والله انا ما اتصلت بيها معرفش جابت الكلام ده منين

احمد بص لامه ورجع بص لنور وقالها انتى طالق وجرى ورايا لقانى بركب تاكسى شدنى