رواية أنا وحماتى
وسهلا احمدقالى اندهلك الاسطى هنا عشان تختارى الالوان
لقيت بنت خالته ردت لا يا احمد انا اخترت خلاص الالوان ما انا عارفه زوقك
بصيت لاحمد وقولتله اه لو سمحت اندهله قعدو يبصو لبعض وبعدين الاسطى نزل قاله ايوه يا استاذ احمد
احمد قاله انت ما جبتش الكتالوج معاك ليه عشان العروسه تختار الالوان
لقيت الاسطى بيرد عليه بيقوله ما العروسه اختارت خلاص كان قصده على بنت خالته
قمت وقلت بس انا ما اخترتش حاجه انا العروسه
انا اسف انا افتكرت الانسه هى العروسه هى اختارت الوان
قمت مقطعاه فالكلام وقولتله بص كل اللى قالته ارميه وراء ضهرك انا هقولك عايزه ايه واتكلمت معاه واخترت وبعدين سابنا وطلع يكمل شغله
احمد انا هدخل اغير هدومى بسرعه عشان نلحق مشوارنا
اول ما احمد دخل الاوضه مامته قالتلى على فكره اللى عملتيه ده قله ذوق
انا عملت ايه
نور قالت
انها اختارت الالوان تقولى الاسطى كل اللى اختارته ارميه وراء ضهرك بدل ما تقوليلها شكرا
اولا انا ماطلبتش منها حاجه عشان اشكرها عليها ثانيا هى اللى قليله ذوق لانى انا اللى هعيش فالشقه دى وانا اللى اختار مش هى وكنت متعصبه واحمد خرج على صوتى قال فيه ايه قولتله لا أصل طنط بتقولى انى قليله الذوق عشان ماسبتش نور هى اللى تختارلنا الوان الشقه
بص لمامته ماما مريم مش قليله ذوق والا ماكنتش اختارتنى صح وباس دماغها وقالى يالا مشينا بس كنت مضايقه أو
نزلنا ركبنا العربيه قولتله هو فيه ايه انا حاسه من يوم ما مامتك جت عندنا وهى متغيره من ناحيتى انت عارف حاجه مش قائلة عليها
لا طبعا ماما بتحبك بس يمكن متاخده شويه انى هجوز وهتاخدينى منها
اخدك منها ازاى دا احنا قاعدين معاها فيت واحد
المهم عديت الموضوع وخلص بس جوايا مش مرتاحه
وجه يوم الفرح وكان اجمل يوم وروحنا وكان أحمد مبسوط جدا وحسسنى انى اغلى شيء عنده فالدنيا وعدت الايام واحنا مبسوطين وكنت بنزل لطنط اقعد معاها بس ماكنتش بترحب بيه كنت بعمل اللى عليه واسال عليها وارجع شقتى تانى فيوم كنت عندها ولقيت نور جايه ومتغيره حسيت انهم عاوزين يتكلمو بس مش عارفين من وجودى استاذنت عشان احمد قرب يجى اصلا
قعدت استنى احمد اتاخر رنيت عليه ماردش خرجت البلكونه لقيت عربيته تحت البيت لقيت نفسى بجرى على تحت نزلت عند حماتى قبل ما ادخل سمعت اللى كنت خايفه منه
وقبل ما ادخل وقفت وسمعت مامته وهى بتقوله انت اجوزت اللى انت عايزها غص-ب عنى وعشان ابقى راضيه عنك تجوز نور وبسرعه
لقيت الدنيا كلها بتلف بيا انا لسه مكملتش شهور من جوازى وعايزه تجوزه مسكت نفسى وبما ان الباب مفتوح دخلت بصيت لجوزى ايه يا احمد ماترد على ماما
احمد ارد على ايه قصدك ايه
قصدى العروسه اللى جايه تخطبك بس مش المفروض اكون انا من ضمن القاعده دى زى ما ممتك ليها فيك انا كمان
احمد بيمس-كنى من ايدى وبيمشى يالا نطلع
شديت ايدى وقولتله مش طالعه غير لما اعرف ردك
قالى على ايه
على اللى امك طلبته عيزاك تجوز نور مردتش ليه هتجوزها ولا لأ
حماتى حلو قوى تربيتك يامرات ابنى بتتصنتى على الابواب
قصدك يا حماتى انى سمعت اللى انتى قصده تسمعهولى واللى ماكنتيش سبتى الباب مفتوح
وهو لما امك مش موافقه على جوازنا جيت ليه وجريت ورايا ليه عشان اوافق
