رواية أنا وحماتى
حماتى احمد انت لو مارجعتش معايا
ماما انا بحب مراتى ومش هسيبها وجودى معاك أساسى كل يوم انا حتى لما جبت شقه جيبها قريب منك مش بعيد
سبينى اعيش حياتى زى ما انا عايز عشان انا تعبت
عيطت وقالت كلام كتير أنها زعلانه ومشيت قلت احمد هيروح وراها لقيته جى على الاوضه عملت نفسى بلم فهدومى لقيته قعد على السرير انتى بتعملى ايه
زى ما انت شايف ماشيه وياريت من غير كلام كتير عشان انا تعبانه
وانا مش تعبان انا مش عايز ابنى يتربى بعيد عنى وبحبك لقيته عينه دمعت ومسك دماغه جريت عليه حض-ن-ته انا كمان بحبك والله بس انت شايف
الموضوع جديد وكان لازم المواجهه دى وانا هرحلها وهراضيها
بس غريبه ازاى عرفت بالسرعه دى
احمد بالتاكيد عم سيد اللى نقلنا العفش ماهو جارنا وقاعد على باب بيته على طول
هديته ونمنا وصحة تانى يوم راح على شغله وقبل ما يرجع راح لامه ورضاها معرفش رضاها ازاى بس هو قالى أنها هديت ورضيت بالأمر الواقع والدنيا مشيت تمام وكانت دايما يوم اجازته تتصل بيه عشان اى حجه المهم ماتخلهوش قاعد معايا الموضوع ده ضايقنى فيوم اتصلت بيه وهو فالشغل قبل مايخرج بنصف ساعه قولتله الحقنى يا احمد انا تعبانه مش قادره حالة بسرعه وطبعا مارحش لولدته كالعاده اخدنى ورحنا للدكتوره وقعدت اقولها على حاجات هى مش عندى على انها انذار اجهاض عرفتها من النت وقالتلى قدامه عايزه راحه تامه مش عايزه اى انفعال احنا كده فى مرحله خط-يره
احمد خاف طبعا رجع معايا على البيت عشان يقعد جمبى ومرحش لامه وبعد كده كان يروحلها يطمن عليها بسرعه ويمشى عشان انا تعبانه ويوم اجازته لما كانت تتصل بيه عشان حاجه يقولها ياماما مقدرش ما انتى عارفه مريم تعبانه مقدرش تسببها
ياعنى اختك سافرت مع جوزها وانت مع مراتك وانا ام-وت باه
ياماما ماتقوليش كده هانت كلها شهرين ويعدون
وفعلا الايام عدت وجه يوم الولاده وولدت وجبت مروان طبعا احمد كان فرحان اوى وقال انا هعمل سبوع وعقيقه لاحمد بس انا عايز اطلب منك حاجه
قول ياحبيبى ماما انا هعزمها على السبوع
انت بتقول ايه يا احمد دى صاحبه بيت تعزمها ايه هى صحيح ما اتصلتش بيا ولا باركتلى ولا حتى حمدالله على السلامه بس عشان خاطرك وخاطر مروان
يوم السبوع احمد راح جابها وانا قبلتها كويس ازيك يا طنط
حمدالله على السلامه الله يسلمك يا طنط والدتها مروان فاديها اخدته فحض-نها وقعدت وانا قمت اشوف الضيوف بس كنت كل شويه ابص عليها مش عارفه كنت حاسه انها ممكن تعمل حاجه فالولد
وانا ببص لقيتها بتكلم فالتليفون قفلت مافيش عشر دقائق لقيت اختها جايه وقعدت جمبها جريت عليهم كانت لسه بتديها الولد قمت أنا وخداه
حماتى بتقولى اديه لخالتك عايزه تنقطه
قولتلها شكرا الولد عايز يرضع واحمد لقيته ورايا بيقولى فى ايه لقيت امه اللى بترد خدت الولد من ادينا
اولا انتى من ساعه ماجيتى وانا سيباهولك عشان انتى جدته لكن حد تانى لأ
انتى بتطردى اختى قولتلها انا معزمتهاش اصلا
احمد انتى بتقولى ايه
حماتى انت جايبنى هنا عشان نتهزا وننطرد واخدت اختها ومشيت احمد جرى وراهم وسبنى وساب الضيوف ولقيته راجع بليل بعد الدنيا ماخلصت
بقوله بقى كده تخرج وماتعبرنيش
وانتى اللى عملتيه مع امى كان كويس عملتيلى خاطر
