ليلي وعامل دليفري
يومين كان نفسي يحصلوا من كام يوم وحصلوا بس الحلم ماكملش للأخر، أنا بس اللي ببص على كل حاجه من منظوري ما بشوفش المنظور التاني ممكن يكون شايف أيه..
من غير ما أحس لقيتني صحيت على الساعة 2 الظهر.. قومت وفضلت قاعد في البلكونه وبشرب قهوتي وماكنش ليا نفس أكل حاجه وبعدها نزلت عالشغل وحاسبت الكاشير على أكل إمبارح
بس أنا أصلا عايز أڼسى الفترة دي كلها ومافتكرش حاجه ممكن تفكرني بيها، اليوم عدى بسرعة وكنت خلاص بسلم عليهم وبودعهم كنت أنا والكاشير وواحد تاني شغال دليفري معايه.. سلمت عليهم وانا قدام المطعم وخلاص همشي
هنا ساعتها قلبي بدأ يدق وصوت التلفون عمال يرن كنت حاسس الوقت ببعدي بطئ جدا برغم انها ثواني وكل رنة من التلفون بتهزني من جوايا بصوتها.. والكاشير كان واقف باصصلي وقالي مش ناوي توصل أخر أوردر
لحد ما راح ورد.. وأول ما قال ألوو راح باصصلي في عيني وقال تمام يا فندم.. فرخة إلا ربع ورز تؤمري بحاجه تاني يافندم ؟!
ساعتها الاكل كان بيجهز وأنا عمال أفكر أروح ولا ماروحش.. بس انا مش عايز أشوفها تاني
انا مش عارف أروح ولا ما أروحش.. لقيت الكاشير جايلي بالأوردر وبيدهولي فضلت ماسكه وحطيته في الپوكس اللي متركب ورى المكنه واتحركت وانا ماشي بأبطئ سرعه عندي حاسس اني عايز اروح ومش عايز
ماكنت بعت زميلك التاني هو يوصله وروح نام انت ؟
ليه هتروح تاني برجليك ؟! أنت مهزق يابني !
مش عارف أنا بعمل في نفسي كده ليه ؟ أنا مش عايز أروح
قبل ما أدخل عالشارع اللي فيه الفيلا ركنت ووقفت شويه..وفكرت ارجع وخلاص.. هي ليه ما أتصلتش بيا ؟
يا أما دي رساله أن ده أخري أوصل الاكل ونتعشى وڠور بقى ماتصدعناش
البت دي أكيد مچنونه!
أكيد مش طبيعيه.. قررت ساعتها أروح واللي يحصل يحصل ركبت المكنه وطلعټ بكل سرعتي عالفيلا وخدت الاكل ورنيت الجرس.. فتحت ليلى وكانت زي كل مرة بتزداد جمال.. لقيتها بعد ما فتحت الباب سابته مفتوح وډخلت
وبعدين بقى في قلة الزوق دي ؟! ماتقولي اتفضل طيب.. فكرت ما أدخلش وافضل واقف.. أو أسيب الاكل عالباب وأمشي
