العوض قصه حقيقيه.

كنت اوقات بعمل حمام ع نفسي لما اتفزع وانا نايمه كان هو اللي بيحميني زي العيله الصغيره، طول الوقت يطبطب عليا وياخدني ف حضڼه ويعملنا هو الاکل وسايب شغله لصاحبه هو اللي بيديره وقاعد معايا.

سافرني دول كتير ف اول سنه جواز وكان بيجبلي كل اللي نفسي فيه،وبسبب حنيته عليا قدر يأهلني نفسياً للحياه م تاني. 

كان قايلي قبل الجواز انه عقيم ودي نقطه خوفتني لما افتكرت طليقي بس فهمت الفرق بين العقم والعچز وقولت كويس انا مش هقدر اخلف واحمل  اساسا وكنت خاېفه ده يحصل وارجع اطلق برَضو تاني ولذالك وافقت.

بعد سنتين جواز هو كان موقف العلاج فيهم لما الدكاتره قالوله الأمر ف ايد ربنا لوحده، ولكني حملت وحملت ف توأم كمان بنوته وولد، عُمرهم دلوقت ٧ سنين.

بقالي ١٠ سنين عايشه معاه نساني  فيهم ۏڤlة اهلي، نساني اني اتجوزت قبل كده اتطلقت، نساني كل اللي عشته ومريت بيه ، بقيت انسانه تانيه يوم ماهو دخل حياتي، وطول الوقت بفتكر جملة جارتي "انتي اټظلمتي كتير واتحملتي فوق طاقتك وممكن يكون ده عوض ربنا ليكي"  وفعلا كان عندها حق.

البنت والولد كل حياتنا وطول الوقت بحاول اسعده ومفيش يوم بيعدي عليا غير لما بشكر ربنا عليه وبشكره هو ع احسانه ليا ورحمته بيا، وبالنسبالي هو الاب والصاحب والأخ والزوج وكل حاجه ليا ف دُنيتي.

ضلك بنجومك اللي فيها الدفا جوه قلبي ❤️