رواية انھيار كاملة بقلم نجلاء محمد
محمد: انا من رأيي نسيب الولاد يقعدوا مع بعض شويه
رؤى: بس انا كدا فهمت العزومه دي علشاني انا وفهد مش علشان شغل خالص
قاموا وسابوني انا وفهد مع بعض
فهد بدأ يتكلم: انا عارف ان اللي بيعملوه دا غلط بس لازم نقعد هفهمك الحوار كله
ركزت مع كلامه وهو بدأ
فهد: بابا وبباكي شغالين مع بعض من زمان وفي صفقه كبيره اوي هتحصل بينهم لو احنا الاتنين اتجوزنا علشان كدا مفيش حد فيهم معترض ع الجواز بصراحه انا شايف انهم غلطانين انهم يغص-بونا
لقيته فجأه هزني
فهد: اي يبنتي سرحتي ف اي بقالي ساعه بتكلم
رؤى: ها؟؟؟ لا لا مفيش بس حاسه اني دايخه
لقيته قرب واداني كوبايه عصير من المحطوط قدامنا شربتها وانا متوتره مش عارفه لي واي احساسي دا بس كل اللي اعرفه اني عايزه اقوم
لقيت بابا وكله داخل ومبتسمين لما لقوا ان فهد مقر-ب مني
قومت بسرعه وقولتلهم اني تعبانه هطلع اوضتي
نظره بابا انا فهمتها كويس اوي عرفت على طول هيحصل فيا اي بعد م الضيوف يمشوا
ابتسمت بهدوء وبعدين قولت
رؤى: حاسه اني بقيت كويسه
فضل بابا باصصلي وانا خايفه لحد م لقيت ماما نجدتني
قعدنا كلنا على السفره بناكل والكبار بيتكلموا
حبيت اكلم اخت فهد اد اي هي قمر بجد وحبيتها
كنت مبسوطين بكلامنا مع بعض لحد م لقينا الباب بيخبط وماما قررت تقوم هي بما ان مفيش شغالين النهارده قامت ماما وفتحت
ولقت نور
رؤى: انت انت بتعمل اي هنا
بصلها نور ببرود: جيت اتطمن عليكي فيها اي
مش قادره انسى نظره بابا كنت مرعوبه لحد م بابا قام زعق معاه وانتهى الموضوع ب ان نور مشي وكمان الضيوف مشيوا
لحد م لقيته دخل الاوضه من غير اذن وبيزعق صوته بقا عالي اوي وانا خايفه منه
ماما دخلت اتعصب عليها وطردها برا الاوضه وقفل بالمفتاح وبدأ في حملة التعڈيب اللي متعوده عليها بقالي 22 سنه..
من وانا صغيره متعوده ان اي غلط يحصل حتى لو مليش ذنب فيه انا فاكره وانا عندي 11
