رواية انھيار كاملة بقلم نجلاء محمد
رؤى بضحك: نخرج؟ مفيش بيني وبينك كلام اصلا علشان نخرج ي نور وي ريت تشيلني من دماغك بقا
نور: انا بحبك ي رؤى ومش هشيلك من دماغي
رؤى: استغفرالله عن اذنك
مشيت انا وريما وانا متوتره زياده
ريما: متحطيش كلامه ف دماغك ي رؤى
رؤى: عادي عادي المطعم اهو ياللا ندخل ناكل
دخلنا وريما استأذنت ودخلت الحمام قعدت بهدوء استناها لحد م لاقيت شخص واقف قدامي اي دا؟ دا دا فهد طب طب انا متوتره لي دلوقتي
رؤى: هو انت شغال هنا؟
فهد: اه بخلص الجامعه بدري وباجي بحب اعتمد على نفسي بصراحه
رؤى: اه ربنا معاك طيب انا هستنى بس صاحبتي تيجي
فهد: تحت امرك
مشي وانا مش عارفه لي اتوترت اول م شوفته رغم اني بشوفه ف الجامعه كتير اوووف ريما اتأخرت اوي
لقتها جايه عليا
ريما: بتكلمي نفسك؟
ريما: م تخلصي شوفتي مين
رؤى: فهد فهد شغال هنا ي ريما
ريما: فهد؟ فهد مين
رؤى: فهد اللي معانا ف الجامعه يبنتي
ريما: وانتي اتوترتي كدا لي؟؟
رؤى: مش عارفه حاسه احساس غريب
ريما: بتحبي؟؟؟؟
رؤى: ياللا نطلب ناكل
طلبنا الاكل وبجد كنت متوتره مش عارفه لي رغم اني كنت بشوف فهد ف الجامعه ڈم .ا وكان عادي
ريما: هتفضلي سرحانه كتير
رؤى:هسرح ف اي يعني ي ريما
ريما: ف فهد مثلا
رؤى: بصي اسكتي ياللا ندفع علشان نروح
نسيت اقولكم ان ريما ساكنه ف الفيلا اللي جمبي بس سبقتني ع الجامعه الصبح علشان حبيبها خدها يوصلها وانا صحيت متأخر كالعاده
دفعنا الحساب ومروحين وانا برضو سرحانه…….. سرحانه ف فهد
وصلنا البيت ريما كانت متضايقه جدا وفكراني مش عايزه احكيلها بس متعرفش اني مستنيه
