دون حب بقلم سولييه نصار
البيت بس هي كانت مجهزة نفسها ومعاها فلوسها الخاصة ... ساعتها عرفت أن الفلوس كل حاجة.... يوسف سابني عشان الفلوس وأنا سعيت عشان ابقي أغني من أمي.... سعيت عشان اذله.... بس فشلت.... فشلت وبجانب فشلي اذيت ناس كتير...
......
وقفت مصډومة قدام بيت أمي... مكنتش عارفة أنا جيت هنا ليه...كنت هرجع بس اتشجعت ودخلت.... خبطت علي الباب فتحلس هو... حسيته اټصدم ... بصتله بتريقة وقولت
لسه هيرد سمعت صوت ماما
تمام كده أنا أقدر ادخل ما دام هي جوه ...
زقيته ودخلت أول ما شافتني اټصدمت
إزيك يا ماما وحشتيني بقالك كتير مسالتيش قولت اسأل أنا.
بصيت ليوسف من فوق لتحت وقولت
مكنتش اعرف أن الجواز هياخدك مننا بالشكل ده
جاية ليه يا كرمة أنا بتطمن عليكي من جدك... مفيش داعي لوجودك هنا
عارفة عمر ابن عمك جدك قال أن خطوبتكم قريب
لا عمر رافض يتجوزي... شايف إني مش محترمة وأمي معرفتش تربيني... بس حاولت افهمه أن لازم نعذرك شوية.... الجواز واخد عقلك.... من راجل للتاني ونسيتي بنتك... ده انتي حتي اللي كنت بحبه اخدتيه بصراحة إنجاز تتكافئي عليه.
اطلعي بره أنت فعلا مش متربية وعمر ليه حق يطفش منك... واقولك بأسلوبك ده عمرك ما هتتجوزي... يالا برة ولو شوفتك هنا تاني همسح بكرامتك الأرض.
دموعي نزلت فمسكت دراعي وزقيتني برة البيت وقالت
روحي لجدك يربيكي ما دام أنا فشلت
وقفلت الباب في وشي!
نزلت الشارع وأنا ببكي بصوت عالي... كان الناس بتبصلي بذهول .... ست قربت مني عشان تشوف مالي بس مردتش عليها وجريت... كنت بهرب من أفكاري قبل الناس... فجأة سمعت صوت بصيت ولقيت عربية بتقرب مني و....
الجزء الاخيردون حب بقلم سولييه نصار
حطيت أيدي علي وشي وأنا پصرخ وفتحت عيني لقيت العربية وقفت و السواق بيزعق وبيقول
يا لا يا ست ابعدي من الطريق كنتي هتوديني في داهية...
بعدت بسرعة وروحت قعدت علي مقعد قدام النيل وبدأت أبكي.... قعدت لفترة طويلة ببكي
