رواية أنا وحماتى
شايف اللى فايده غيرى بس عملت عبيطه ومتاخده قولتله ايه
احمد الهانم حامل وبتطلق من غير حتى ماتعرفنى
كلهم حالهم زهول وخصوصا مامته
اخويا بيسالنى انتى صحيح حامل
قلت ايوه بس ايه عل-اقه الحمل بالطلاق انا مش هعيش معاه
احمد وانا مش هطلق
بس انت طلقتنى فعلا انتى قولتى انتى طالق صريحه
وانا رجعتك
ياسلام بمزاجك انا مش هرجعلك وان كنت مش هطلق عشان انا حامل انا هنزله
احمد مسك الماذون عشان يوصله للباب واتكلمت معاه بعيد عنى اخويا راح وقف معاهم وبعدين الماذون مشى
وانا مصممه امشى قولتله لو مطلقتنيش هرفع قضيه خ-لع
حماتى يا ابنى سيبها تمشى هى ماتنفعش تعيش معاك تانى
احمد ماما لو سمحتى انزلى ومالكيش دعوه
حماتى انزل هى دى اخرتها ماشى يا احمد ونزلت وهى بتبصلى بصه غريبه
المهم جريت على الاوضه جبت شنطتى وبحاول اروح ناحيه الباب احمد اخد الشنطه رماها وقالى انتى مش خارجه من هنا اخويا مسك فيه خاف انه يمد ايده عليه لقيت الموضوع كبر من غير ما احس لقيت نفسى الدنيا كلها بتلف بيا بجد ما كنتش بمسل ولقتنى وقعت على الارض ماحستش بنفسى غير انى نايمه فالسرير ومتركبلى محلول
سامعه دوشه بره احمد اقنع اخواتى أنهم يسبونى عشان يقدر يقنعنى انى ما اطلقش وقال لاخويا انت سمعت بنفسك أنها تعتبر لسه مراتى ياعنى قاعدتها معايا هنا مفيهاش حرمانيه
اخويا ماشى بس ايه المشكله وهى تعبانه تيجى تقعد عندنا لحد ماتهدى وترجع تانى
احمد اختك لو خرجت من هنا مش هترجع صدقنى لكن وهى هنا هعمل المستحيل وهخليها ترجع فقرار الطلاق وتليفونها معاها اتصلو بيها كل شويه لو لقتوها انا مزعلها فحاجه تعالو خدوها
اخواتى اقتنعوا ومشيو وسابونى فعلا وهو ده اللى كنت انا عوزاه
دخل عليه الاوضه عملت نفسى نايمه وفوقت وهو بيشيل من ايدى الكالونه قلتله اندهلى اخواتى
احمد كلهم مشيو
ازاى يمشون ويسبونى
احمد طب اهدى الدكتور لقى ضغطك واطى جدا وقال اول ماتفوق تاكل وتاخد النقط دى
انا مش عايزه اكل انا عايزه امشى
كلى وهدى علاجك وبعدين نتكلم المهم كلت واحدا العلاج
قولت انا عايزه انام انا تعبانه
قال وانا كمان هلكان يالا ننام
انت هتنام فين اطلع باره احنا مش هنام فاوضه واحده ابدا
ماشى ماتتعصبيش انا هروحانام فالصاله عشان اكون قريب منك وخرج وانا نمت فعلا من كتر التعب
قلقت من النوم لقيت احمد فارش على الأرض ونايم جمب السرير وانا قايمه رجلى خبطت فيه قام مفز-وع فيه ايه مالك
مافيش رايحه الحمام طيب استنى اسندك لا توقع
لا انا كويسه مافيش حاجه ودخلت الحمام واخدت دش وخرجت لقيته محضرلى الفطار
