قصه جديدة الجزء الثاني.
والدة أميره : أسر فوق بقي من جنانك ده انتوا كبرتوا مبقتوش صغيرين لازم فى حدود في التعامل
أسر بسخريه : والحدود دي اتحطت في سنه.. فجأة كلكوا اكتشفتوا ده
أميره : عمي قالك ان الوضع اتغير دلوقتي ساره عمرها ما هتقبل على نفسها انها تشوف طريقتك دي معايا وتسكت... حقها.. وانا مش عاوزاها حرب يا أسر ومش عاوزه ساره تكرهني أو تحطني في دماغها....
سيبته واتجهت ليهم سلمت عليهم ودخلت أوضتي وكل واحد راح يعمل اللي كان بيعمله وأسر فضل واقف في مكانه مصډوم
______________________
أميره*
دخلت أوضتي وانا بجاهد اني اتنفس بصورة طبيعية بعد المواجهه الصعبة والمرهقه دي.. فتحت الباب واستغربت اوي حسيت كان الاوضه كانت مسكونه.. الطبيعي أن ميكنش حد قعد فيها لأن كل واحد ليه اوضته ده انا حتى اتوقعت هتلاقي الشباك مقفول والاوضه ضلمه وشبه مھجورة... لكن العكس تماما اللي شيفاه... بصيت عالسرير اتاكدت ظنوني السرير مش مرتب اوي وباين أن كان في حد نايم عليه... دخلت الاوضه اكتر.... أي ده.. قابلني ريحة برفانه اللي
عمرى ما هغلط فيها أبدا.. لدرجه اني أتلفت فكرته ورايا لكن ملقتش حد... دخلت ماما وهي بتقول :حمد الله بالسلامة يا حبيبتي نورتي بيتك من تاني.... سألتها وانا بحاول افهم :ماما هو حد كان بينام هنا؟
البيت عندنا زي فيلا صغيره في دور أرضي فيه الرسيبشن ومطبخ وحمام والسفره واوضتين واحده منهم فاضيه والتانيه مكتب أسر ودور علوي فيه ٥ اوض.. منهم أوضتي واخر الطرقه أوضه أسر..
: ايوه يا أميره...
_ مين؟ حضرتك؟
_لا أسر
وقفت مصډومه ومش فاهمه.. يبقى انا كنت صح لما شميت ريحته في الاوضه...
_لي؟
_محدش عارف... أسر من يوم انتي ممشيتي ڠصب عنه واحنا ساعدناكي ووقفنا في وشه.. وهو مش بيتكلم معانا زي الاول.. ومش مدي حد فرصه يسأله عن حاجه... هو فجأه بقي ينام هنا
