قصه جديدة كاملة للكاتبه إسراء ابراهيم
عشان تتأكد بيها ووقتها هيبقالها تصرف تاني عدي شوية ودخل رعد بعربيته واول ما نزل قرب من فريدة جدته
اؤمريني يا تيتة حضرتك عايزة تروحي فين وانا اوديكي
بصتله فريدة بتفحص وهي بتقوله بابتسامة
عايزة اشوف مني وليان وانا كلمت مني وهي مستنياني دلوقتي عالغدا يلا عشان توديني
اتفاجئ رعد بكلام فريدة لكنه فرح من جواه اوي وبان علي ملامحه لانه اخيرا هيشوفها حتي لو من بعيد لانها واحشاه اوي
ابتسمت فريدة بخبث وردت وهي بتقوم
طب يلا ونبقي نشوف الموضوع ده بعدين
علي فين العزم كدة
قالها ايمن وهو داخل عليهم وبيبصلهم باستغراب فنفخ رعد بضيق ومردش لكن فريدة ردت بحب وهي بتشاور علي رعد
رعد واخدني ازور مني عشان وحشتني عايز حاجة يا حبيبي
هو احنا مش كنا خلصنا من قصة البنات دول
رد رعد بحدة وهو بيبص لايمن بتحذير
ياريت تخليك في حالك وملكش دعوة باي حاجة تخصهم محدش اساسا طلب رأيك يلا يا تيتة
مشي رعد
وفريدة وكان متابعهم ايمن وهو بيبرطم وبيبتسم بسخرية
مني هي مدام مرفت هتيجي لوحدها
مني ابتسمت بتلقائية وبعدين عملت نفسها مش فاهمة وردت بخبث
اه طبعا اومال يعني هتيجي مع مين ولا انتي تقصدي حد معين
ردت ليان بسرعة وهي بتلف وشها بعيد بتوتر
خرجت ليان بسرعة تحت نظرات مني الحزينة علي حال اختها واتمنت لو تقدر تصارحها وتعرفها ان رعد مكنش بارادته لما بعد عنها بس هي خاېفة ليان تزعل منها وتفقد ثقتها فيها سابت اللي في ايديها بعد ما خلصته وراحت هي كمان تغير هدومها شوية ورن جرس الباب فخرجت ليان من اوضتها وراحت تفتح هي الباب واول ما فتحت ابتسمت بتلقائية وهي بترمي نفسها في حضڼ فريدة
ابتسمت فريدة وردت بحنان وهي بتطبطب علي ضهر ليان
ولما انا وحشاكي يا بكاشة مكنتيش بتسألي عليا ليه
ابتسمت ليان بتوتر ومردتش وكانت هتقفل الباب بس كملت فريدة كلامها وهي بتشاور عالباب
استني متقفليش رعد طالع ورايا كان بيركن عربيته وزمانه جاي
انتي صبيتي عصير ليه يا ليان احنا لسة هنحط الغدا
اتوترت ليان اكتر
وبصت لرعد اللي كان بيبصلها وشبح ابتسامة علي وشه وكأنه فاهم انها متوترة بسببه واللي كشفتها مني اختها من غير ما تقصد فاتكلمت بتهتهة
ممنا قولت يشربو حاجة علي ما احضر السفرة عموما هروح بسرعة احط الاكل
رعد قام بتلقائية واتكلم بهدوء وهو بيقرب من ليان
خليني اساعدك
كانت لسة ليان هتعترض بس رعد مدهاش فرصة واخد منها الصنية وسبقها عالمطبخ اتنهدت بحيرة ودخلت وراه وهي بتدعي ربنا انها تعرف تسيطر علي نفسها قدامه دخلت ليان المطبخ وكان واقف رعد مستنيها واول ما دخلت بصتله بتوتر وسابته وبدأت تشوف هتعمل ايه لحد ما سمعت صوته من وراها
وحشتيني
غمضت ليان عنيها بۏجع مع صوت ضربات قلبها من تأثير نبرة صوته عليه بس افتكرت وقتها الصور اللي ورهالها ايمن ففتحت عنيها تاني وردت بجمود من غير ما تلف
معتقدش ان ليان اللي قدامك دلوقتي هي اللي وحشتك يا رعد بيه عشان ليان القديمة ماټت خلاص
ليان اللي عرفتها هي نفسها اللي قدامي دلوقتي الا لو انتي اللي شايفة حاجة تاني وشايفاني رعد تاني غير اللي عرفتيه
ليان بعدت ايدين رعد عنها وهي بترد ببرود وبتقوله
بالظبط كدة ليان الجديدة مبقتش شايفاك رعد اللي قبل كدة واعتقد انت كمان اكتشفت ده من قبلي بدليل انك كنت بتهرب مني وبتبعد عني ولا نسيت
رعد فرح لانها فاكرة كل حاجة بينهم لسة وكان هيرد ويدافع عن نفسه ويقولها ان اختها هي اللي طلبت منه يبعد بس رجع في كلامه وسكت فابتسمت بسخرية ودورت وشها بعيد عنه فاتنهد رعد پغضب وسابها وخرج فبصت ليان مكانه ودموعها نزلت بصمت لانها كانت مستنية منه حتي يدافع عن نفسه او يبرر معاملته ليها بس للاسف سكت وانسحب وده اكدلها كلام ايمن
بعد الغدا كانو كلهم قاعدين مع بعض ما عدا ليان اللي سابتهم
