امامي ومنقذى بقلم اية محمد

دلوقتي عند أحمد و تبوسي رجله أنه يرجعك يا تفضلي معايا أومال مين هيصرف عليكي يا بنت حسن!!
حبيبه پغضب أبوس رجله!!! مستحيل..
إبراهيم يبقي تسمعي كلامي و حسك عينك تعلي صوتك عليا تاني..
إبراهيم ساق العربيه وأتحرك لبيته دخل وهي وراه...
إبراهيم السلام عليكم..
نورا بإبتسامه وعليكم السلام ورحمة الله وبركاته يا بابا حبيبه بنت عم حسن صح
إبراهيم أيوا خديها لأوضة أختك عشان هتقعد عندنا كام يوم..
نورا ماشي تعالي يا حبيبه..
حبيبة بضيق أنا عارفه الطريق لوحدي..
أخدت شنطتها ودخلت أوضة نورهان بنت إبراهيم الكبيرة متجوزة ونورا متجوزة ولكن جوزها مسافر و هي حامل فقعدت مع والدها...
إبراهيم أخبار البنت الحلوة دي إيه!
نورا بإبتسامه أنا الحمد لله يا بابا..
إبراهيم لا لا مبسألش عليكي إنتي أنا بسأل علي حبيبة جدها..
نورا بغيره بقي كدا يا بابا من دلوقتي بتحبها أكتر مني!
إبراهيم بضحك يا عبيطه! أنتي حب وهي حب تاني خالص أمتي بقي تشرف الدنيا وأشيلها بين إيديا..
نورا كلها تلات شهور..
إبراهيم علي خير إن شاء الله يلا تعالي ساعديني في العشاء..
نورا يلا بينا...
حبيبة رفضت تخرج للعشاء وإبراهيم سابها تعمل اللي هي عاوزاه فضل باقي الليل يفكر هيعمل معاها إيه الحل الوحيد اللي قدامه هيكون مليان بالظ لم بس لازم يكون قد وصية صاحبه..
علي التليفون
إبراهيم السلام عليكم..
حمزة وعليكم السلام ورحمة الله وبركاته.
إبراهيم إيه يا حمزة هتيجي إمتي!!
حمزة علي الفجر يا بابا بإذن الله.
إبراهيم خلاص هستناك في المسجد عشان عاوزك..
حمزة خير يا بابا ايه الموضوع اللي ميستناش لحد ما أوصل البيت دا!
إبراهيم هحكيلك لما أشوفك..
أستني إبراهيم لحد الفجر و راح المسجد أستوت الصفوف ولقي إبنه جاي بسرعه يقف جمبه وبدأت الصلاة.. 
بعد صلاة الفجر إبراهيم فضل قاعد في المسجد و حمزة قعد جمبه و شاف الحزن في عين والده..
حمزة إيه يا حاج مالك
إبراهيم حكاله كل حاجه عن حسن وعن اللي حصل معاه وأنه أضطر يجيب بنته تعيش معاه..
حمزة خلاص يا بابا أنا هفضل في السكن بتاع الشغل لحد ما عمي حسن يكون كويس
وبنته ترجع..
إبراهيم لا مش دا اللي أنا عاوزه أنا عاوزك تتجوزها يا حمزة..
حمزة أنا! حضرتك لسه قايل أنها لا تصلح تكون بنت راجل طيب زيه! وأنا بقي اللي مش طيب وهتصلح ليا زوجه! إنت عارف يا بابا أني عاوز بنت ملتزمه وتكون زوجه صالحه..
إبراهيم حط نفسك مكاني يا حمزة حسن و الله أعلم هيفوق إمتي! و البنت مش هينفع تفضل في البيت كتير وأنا مش هكون مبسوط وإنت بعيد غير أن جوازها مش هيكون سهل بسبب اللي حصل دا..
حمزة مش هقدر يا بابا مش معقول بعد صبري للفترة دي كلها و أنا مستني بنت الحلال اللي هتناسبني و في الأخر دا اللي يحصل!!
إبراهيم يا أبني عسي أن تكرهوا شيئا وهو خيرا لكم أنا طلبي منك مش تتجوزها وبس أنا عاوزك تربيها من جديد بس بطريقتك بطريقه ذكيه تخليها تختار الطريق الصح بنفسها أنا عارف أني بظ لمك يا حمزة بس أظل مك وتسامحني أحسن ما اظ لم حسن و ميسامحنيش لأني مصونتش وصيته ليا..
حمزة وإن فضلت علي حالها!
إبراهيم وقتها إعمل اللي يريحك..
حمزة سيبني أفكر للصبح يا بابا..
إبراهيم ماشي يا حمزة يلا نروح..
حمزة يلا...
رجع إبراهيم وحمزة للبيت وهو لسه بيفكر في الكلام اللي قاله والده لحد ما إتفاجأ الإتنين بيها خارجه من المطبخ ماسكه ساندوتش في إيديها لابس بلوزة بنص كم و برمودا وسايبه شعرها..
الإتنين في مواجهة بعض حمزة غض بصره عنها و أتحرك بعيد عنها ناحية أوضته و هي دخلت أوضتها وهي مش طايقه نفسها..
حمزة فضل قاعد يفكر و رجاء والده ليه قدام عينيه لحد ما سمعوا صوت صړاخ..
حمزة پخوف نورا..
خرج حمزة وإبراهيم واتفجأوا بنورا و بصوا كلهم ناحية أوضة حبيبة والصړاخ علي مرة تانيه نورا فتحت الباب ودخلت وإبراهيم دخل وراها وأنصدموا من اللي شافوه..
حمزه إيه دا!!!!
ويتبع...
آية_محمد
يا تري إيه اللي حصل! 
و يا تري حمزة هيقدر إزاي يغيرها!!إمامي_و_منقذي
حمزة إيه دا!!
حبيبة كانت نايمه مكانها و كانت باين أنها بتشوف كابوس حمزه بص في الأرض وخرج من الأوضه و نورا قربت من حبيبة وصحتها إدتها كوباية ماية و سابتها تنام تاني. 
كان إبراهيم و حمزة قاعدين برا وباين عليهم التعب من قلة النوم...
نورا هتكملوا نوم ولا أحضرلكم الفطار.
حمزة لا لا أنا هدخل أنام وأنتي كمان يا حبيبتي إرتاحي.
نورا بتعب أحسن برضوا أنا هدخل أنام..
حمزة بضحك يلا وأنتي عامله زي الكرومبه كدا.
نورا پغضب شوفت يا بابا!!
إبراهيم أنتي قمر ملكيش دعوة بيه.
نورا جبر الخواطر علي الله يا أستاذ حمزة.
حمزة بضحك يعني أكدب عليكي يعني.
نورا لا لا تكدب عليا ولا تكلمني خالص..
حمزة ماشي مش هكلمك بس مش هوريكي جبت إيه لحبيبة خالها.
نورا بحماس جبت إيه ها جبت إيه
حمزة بضحك الشنطه أهي شوفي بنفسك..
نورا فتحت الشنطه بحماس ولقت فيه فستان صغير لونه بينك جميل مسكته بسعاده و جريت