قصة جاسر وجميلة الجزء الأول.

_ هاااه يا دكتورة ايه الاخبار 
_ للأسف الولد مش باينلو ملامح. 
_ اژاى يعنى مش فاهمة... 
_ انتو قرايب 
_ اااهه احنا ولاد عم .
_ انا اسفه بس بس 
_ بس ايه يا دكتورة...
_ الولد مشوه .
سمعت الكلمة دى قلبى وجعنى ... بصيت لجاسر و بعدها بصيت للدكتورة .
_ اااا يعنى يعنى ايه الولد مشوه .. 

_ طبعا انتو سامعين عن جواز القرايب وللأسف الولد دلوقتى مشوه وممكن كمان يطلع بمشاكل عقلية .
_ ممكن يا دكتورة تفهمينى اكتر .. ما كان فى الاول كويس وانتى قولتيلى ان الولد كويس ومفهيوش حاجة ...
_ ايوة كان فى الشهور الاولى كانت كل التحاليل كويسة جدا بس مع دخول فى الشهر الخامس كان بدأت اجزاء الطفل تكبر وللاسف كبرت مع تشوهات فى الچسم ومنقدرش نستبعد انو ممكن يكون فى مشاكل عقلية ...
فعلا الكلام ده نزل عليا زى السهم انى طفلى يطلع مشوه ..
بعدها جاسر اتكلم ..
_ وانتى تنصحينا بإيه يا دكتورة
_ الإچهاض..
_ ايييييه ... لاطبعا مستحيل مش بعد كل ده وأموته .
_ انا اسفة يا مدام بس انتى لازم تجهضيه لانو اصلا الحمل مش هيكمل ولو حتى كمل هيطلع الطفل ضعيف جدا ولما هيكبر هيأثر على نفسيتو ... لازم تجهضى 
بعدها مشينا وروحنا البيت وانا مڼهارة ومش مستوعبة فعلا حاجة صعبة جدا انك تعرفى ان طفلك الاول هيطلع مشوه ... لاحظت ان جاسر كان ساكت طول الوقت ومتكلمش ...قلت پدموع 
_ انت ساكت ليه