الحب الابدي كامله
كلها..
أختي أختي أختي
أنا مش أختك يا علي مش أختك
رغم كل اللي بعمله علشان تأخد بالك مني وبردو مبتأخدش بالك ولا بتحس بيا!
قررت أخد جنب منه تماما.. أخد جنب علشان أعرف أنا عايزة إيه
لكني خاېفة ميأخدش باله حتى أني واخدة جنب منه..
تاني يوم عملتله أكل وأخدته معايا وروحتله ع المستشفى.. لقيت ياسر على باب الأوضة في الوقت اللي وصلت فيه ف اديته الأكل
............................................................
الحب الأبدي
البارت التالت
....................................................................
نور أنت هتلاقيك ماكلتش..
ياسر بجد! تسلم إيديكي يا نور..
قالها بهدوء فظيع ونظرة عينه كانت غريبة!
نور حطت الاكل في ايديه عن إذنك همشي أنا بقى
نور ملوش لزوم أنا درسي قريب من هنا..
ياسر خلي بالك من نفسك.
ابتسمت ابتسامة مهزوزة ومشيت ماله دا!
غريب! غير إمبارح خالص!
محطتش في بالي وكملت طريقي..
بتخيل علي وهو فرحان بالأكل! بس يا تري هيحس أنه نفسي في الأكل المرة فيه زعل وحب وشوق ولهفة!!
عدا يومين كنت بأخدله الأكل المستشفى من غير ما خالتو تأخد بالها وفي نفس الوقت من غير ما أشوفه الغريب أنه مسألش!
للدرجة دي مش فارقة أنه يشوفني!!
النهاردة ياسر قالي أنه راجع البيت وإنه اتحسن جدا وعلشان كدا هيطلع..
روحت البيت وأنا فرحانة وقررت أعمله أكل يحبه.. كنت بعمل بكل حب لحد ما خالتو دخلت عليا.
اسماء أنا ملاحظة إنك متغيرة بقالك كام يوم ومش عايزة أتكلم! أما النهاردة في إيه مالك
اټجننتي طيب!!
نور أصل علي طالع النهاردة
اسماء باستغراب طالع منين
نور طالع ايه! مين قال طالع راجع
أقصد راجع من المأمورية النهاردة..
اسماء بفرحه بجد عرفتي منين دا متصلش!
نور كملت شغل في عمايل الأكل ياسر قالي وجاي معاه النهاردة ع فكرة عايزين نعمل أكل حلو بقى يلا يا خالتو يلا..
كنت بشد ايديها علشان أحركها لكنها كانت واقفة وبصالي _ وأنتي بتتكلمي مع ياسر
اسماء ردي على السؤال..
أدركت إني حطيت نفسي في مأزق من غير ما أخد بالي! فاضطريت أكذب ڠصب عني!
نور بقينا صحاب.
اسماء صحاب
نور أه مش هو صاحب علي
يعني حد ثقة.. علي مبيصاحبش غير الكويسين مش انتي عارفة كدا
اسماء وأنتي عارفة رأي علي في الموضوع دا بقى ع كدا
نور أكيد مش هيعارض ع الاقل لو علي مش هنا نطمن عليه من ياسر ولا إيه
نور إيه دا الأكل كان هيتحرق..
نور اتفضل يا ياسر دي علشانك..
ياسر بابتسامه تسلم إيديك.
لاحظت نظرة علي بس تجاهلتها .. كنت بحاول مهتمش بيه نهائي زي اني بردو مسلمتش عليه بلهفة زي كل مرة.
كان بيبصلي بإستغراب حتى خالتو كانت مستغرباني!
لكن مكنتش عايزة اخلف وعدي مع نفسي وإني قررت أخد جنب من ناحيته!!
بعد شويه ياسر مشي ونور دخلت الاوضه
علي نور فين ياماما
اسماء في أوضتها ياحبيبي في حاجة أناديهالك!
علي لأ خليها أنا عايزاها في موضوع كدا هدخلها..
بعدت من ورا الباب في الوقت اللي لقيته بيخبط فيه.. قعدت ع المكتب وعملت نفسي بذاكر وأنا بقول _ ادخل..
دخل وساب الباب مفتوح وقعد على الكنبة قصادي إيه ياكتكوتة عاملة ايه في المذاكرة
نور ممكن بلاش كتكوتة دي أنا كبرت..
علي ضحك الحقيقة عندك حق المرة دي..
مكنتش مصدقة وبضحكله بكل حب على عكس الطريقة اللي كنت بعامله بيها الأسبوعين اللي فاتوا!!
نور بجد
علي بجد بس هتفضلي طول عمرك بردو كتكوتي!
اتكسفت ومعرفتش أتكلم في الوقت اللي صدمني لما كمل كلامه!!
علي حتى لو جالك 100 عريس..
نور إيه ! عريس إيه !
علي ياسر طلب إيديكي مني.. أنتي إيه رأيك
نور پصدمه ياسر!!
علي أيوة أنا شايف أن في بينكم كاريزما حلوة.
نور بحزن يعني أنت موافق!!
علي الرأي ليكي بس أنا بجد مش هلاقي أحسن من ياسر وآمن عليكي معاه..
غمضت عيني پألم بحبس الدموع جوايا
