العريس ومامتو بصو لبعض ببتسامه ونفجرو من الضحك

تعالي ي عروسه ادخلي ي حبيبتي

اول ما شافها العريس ومامتو بصو لبعض ببتسامه ونفجرو من الضحك

الام بتو.تر: في اي ي محمود

محمود بين ضحكاته: انا طالب عروسه مش مية عروسه اي كل ده

ام محمود: لي ي بنتي عامله في نفسك كدا دا انتي لسه في عز شبابك وكل التخن دا اومال لما تتجوزي

ردت غاده بثبات: انا حره علي فكره

محمود بضحك: وياترا بتاكلي كام بني ادم في اليوم

غاده اتجهت نحيته وقعدت جنبه (محمود استغرب): هتبقا العشا بتاعي انت وامك لو مامشتش دلوقتي

محمود بصلها من فوق لتحت بسخريه: ومين قالك اني مش هاخد امي وامشي ولا هرضي اتجوزك اصلا

غاده ببتسامه: ولا انا يشرفني اني اتجوزك.. اطلع برا يلا

ام محمود بضحك: يلا ي محمود لتقعد عليك تفطسك

غاده ضحكت: فعلا ي طنط وهتبقي معاه متقلقيش

محمود قام وقف بغضب: انتي قليلة الذوق ازاي تتكلمي مع ماما كدا

غاده: ما شاء الله انت تعرف قلة الذوق انت وامك مع ان يبان انكو معندكوش زوق اصلا

ام محمود قامت بغضب: يلا يبني من هنا

غاده بغرور: ايوه يلا برا

محمود ومامته مشيو.. مامت غاده بصت ليها بحز.ن والد.موع بتلمع في عنيها: حقك عليا انا اسفه

غاده اتنهدت: اسفه علي اي ي ماما

مامت غاده قعدت جنبها: اني دخلت ناس زي دي البيت وهما معندهمش د.م والله كنت فكره ان ام صفاء(الي جايبه العريس) قالت ليهم

غاده: قولتلك ي ماما انا مش عايزه اتجوز

مامت غاده دمو.عها نزلت: والله نفسي افرح بيكي واطمن عليكي ي غاده.. نفسي اشوفك عروسه دا انتي بنتي الوحيده ومليش غيرك من بعد ما ابوكي ما.ت وسبنا خايفه انا احصله وسيبك لوحدك في الدنيا دي

غاده حاولت تداري حز.نها ببتسامه: بعد الشر عليكي ي ست الكل ربنا يطول في عمرك