الزوجه الصالحه

أنا منفصله أنا وزوجي من سنه تقريبا وعندنا بنت وولد ٩ سنوات و٧ سنوات
الانفصال بسبب مشكله كانت بسيطه بس أمي وأختي قالولي اطلبي الطل .اق وأنا مش عارفه ازاي سمعت كلامهم وأول ما طلبت منه الطلاق
قالي ده اخر كلام قولتله اه اخر كلام
وراح طلقني عند المأذون وقالي مش عايز الدهب ( المهر ) بس مش هدفع المؤخر وانا وافقت وخدت جهازي بس

طب انا الكلام بينه وبينه منعدم خالص من ساعة الانفصال كأننا بقينا غربه
وكلمته في التليفون عشان ققوله اني ارجع معرفتش ققول كلمتين على بعض وغيرت الموضوع اني ببلغه حاجه عن الاولاد

اكلمه ازاي هو جي ياخد الاولاد يخرجهم بكره وان عملت ليه الاكل إللي بيحب ياكله من ايدي هبعته مع الاولاد بس عايزه اتشجع اكلمه اني ارجع لان كل ما اجي اكلمه اغير الموضوع .
وشكرا.

تعليق : دي مشكلة أخت بعتاها لأحد الدعاة الأفاضل وأنا عن نفسي بقولها من كل قلبي اطلبيه وقوليله عايزه أرجعلك ونعيش سوا معانا أولادنا لأن ببساطة ده رجل لا يعوض بيعاملك بالإحسان رغم جحودك وطلبك للط .لاق وبتقولي بدافع من والدتك وخالتك فاتقِ الله وارجعي لهذا الرجل لأنه من القلة النادرة اللي بيتعامل بالإحسان حتى وقت الانفصال اللي زي ده أكيد كان بيعاملك أفضل معاملة وانت زوجته لكن شيطانك وشياطين الإنس خربوا حياتك فارجعي وقوليها بكل صراحة له انك ند .مانه وعايزه ترجعيله .
على النقيض تلاقي ذكور مفيش عندهم أدنى إحسان في الانفصال وأكلين للحقوق ومضيعين وناكرين لكل جميل فهذا لا يُبكى عليه ابداً .
نصيحة لكل امرأة تحت رجل طيب العشرة كريم الأخلاق أن تضعيه على رأسك وبين ضلوعك ولا تفرطي فيه ابداً 
حفظ الله بيوت المسلمين من شياطين الإنس والجن